शहर वाहतूक शाखेजवळ दुचाकी आणि डंपर मध्ये धडक, दोघे जखमी
कोल्हापूर, ता..८ — (प्रतिनिधी ) दसरा चौक येथील शहर वाहतूक शाखेजवळ सोमवारी दुपारी एक डंपर आणि दुचाकी स्वार यांच्यात धडक होऊन दुचाकीवरील दोघेजण जखमी झाले.
याबाबत घटनास्थळावरून मिळालेली अधिक माहिती अशी, सोमवारी दुपारी शहर वाहतूक शाखेच्या कार्यालयाजवळ
महापालिकेचा डंपर आणि एका दुचाकी स्वार यांच्यात धडक झाली. या अपघातात दुचाकी वरील महिला पुरुष दोघेही जखमी झाले. दोघाही जखमींना पुढील उपचारासाठी दवाखान्यात दाखल करण्यात आले. या घटनेची नोंद लक्ष्मीपुरी पोलीस ठाण्यात करण्याचे काम सुरू आहे.
